Maniitsormiut akiliilluni arnerisarfittaassappat?

Maniitsumi alumiiniumik aatsitsiviliortoqarnissaanik apeqqut, sulisartut Nunatta avataaneersut immaqa 3.000-it inuiaqatigiinnguanut takkuppata, allanik nutaanillu inuussutissarsiutinik periarfissaqarlualernissaa oqallisaallualivippoq.

Danmarkip Radiuani aallakaatinneqartartumi P1-orienteringimi oqaatigineqarpoq, pilersaarut Maniitsormiunit isumalluarfigineqartoq aningaasarsiornermullu iluaqusiinissaa neriuutigineqarluni.

Borgmesterip tullia Inatsisartunilu ilaasortaq Karl Lyberth aallakaatitami oqarpoq, suliffissarpassuarnut naaggaarnissaq isumatusaarnerunngitsoq.

- Nutaamik pisariaqartitsivugut, taanna oqarpoq.

Illoqarfimmi tassani akunnittarfiutilik Søren Lyberth aamma taama isumaqarpoq. Illoqarfimmi arlaanik pisoqartariaqarpoq taamaalilluni aningaasarsiortoqalerniassammat, taanna oqarpoq. Taassuma sulisartut avataaneersut illoqarfimmi inooqataalernissaat ajorinngilaa.

- Ilaatigut illumik akiliilluni arneriniartarfimmik pilersitsisinnaavugut, tamanna aningaasarsiornermut iluaqutaassaaq, akunnittarfiutilik Søren Lyberth oqarpoq.

Inuussutissarsiummulli tamatumunnga suliniutaa qarasaasiakkut attaveqaqatigiittarfinni assigiinngitsuni oqallisigineqaqaaq.

Arnat ilaata oqallissaarisup tamanna tusaramiuk narrutsaatigaa.

- Atortittartoqarnerup inussutissarsiutaasinnaanera uannut takorlooruminaatsorujussuuvoq. Tamanna nakkariarnerussaaq kingunerluuteqarujussuartussaq, Søren Lyberthip allakkajaamik inuussutissarsiutitut suliniutiginiagaa, pillugu allappoq. Suliniut suliffinnik nutaanik pilersitsiniartunut tapiissutinik tapiiffigineqarnissaa immaqa ilimagineqarsinnaanngilaq.