Maniitsormiut akileraarnikinnerusalissapput

Qeqqata kommunissaani innuttaasut akileraarutissaat aamma aalajangerneqaqqajaavoq. Kommunimi akileraarut 25 procentiussasoq Ikaarsaariarnermut ataatsimiititaliap pingasunngorpat aalajangiutissagaa ilimanarluinnarpoq.
novembarip 15-at 2008 13:17

Naalakkersuisut siusinnerusukkut oqareerput, nuna tamakkerlugu akileraarut nikisinneqassanngitsoq, taamaammallu Qeqqata Kommuniani innuttaasut katillugu 42 procentimik akiliisassapput.

Maniitsormiut taamaalillutik aappaagu procentimik ataatsimik akileraarnikinnerussalissapput, Sisimiormiut akileraarutaat nikinngitsoq.

Kommuneqarfik Sermersuumi Qaasuitsup Kommunianiluunniit innuttaasut akileraarutaat 2009 qanoq isikkoqassanersoq pasiniaraluaratsigu iluatsinngilarput.