Maniitsoq maratonimi peqataasussarpassuit
Maniitsoq maraton aqagu arfininngornermi aallartinneqarpat peqataasunit amerlanerpaat tassaassapput atuarfimmi atuartut - 400-nik ikinnerunngitsut arpaqataassammata. Tamannalu pisinnaalerpoq peqatigiiffiup Maniitsoq Ekstrem Sport atuarfiullu isumaqatigiissuteqarnerisigut.
Peqatigiiffiup siulittaasua John Olsen KNR-mut oqarpoq atuartut amerlanerit 4,2 aamma 10 kilometerimut arpannermut peqataassasut.
Qulit missaanniittut maratonimut peqaataassallutik nalunaarsimapput, taassumalu affaanut 20-it peqataaniarlutik nalunaarsimallutik. Arnat marluk isorartoorsuarmut peqataaniarput 15-nillu maratonip affaanut arpataanissaminnut nalunaarsimallutik.
Arnani angutinilu oqilanerpaat aningaasanik pinnattassinneqassapput, oqilanerit 5.000 koruuninik tunineqassallutik, tullii 2.500 koruuninik, pingajuusut 1.250 koruuninik.
Peqatigiiffimmi siulittaasoq aamma oqaluttuarpoq illoqarfiup utoqqaanersaa, Karen Lyberth, 91-nik ukiulik, peqataassalluni nalunaarsimasoq. 4,2 kilometerili arpassanngilaa issiavimmi assakaasulimmilluni kaassuarneqassagami.
