Mandelap illuinnarsuutaa ujaarineqarpoq
Nelson Mandelap ukiorpassuit matuma siorna tigusaanngitsiarnermini illuinnarsuummik nunamut assaassilluni toqqorsisimanera naggasiutigissavarput. Illuinnarsuut, kiffaanngissuseqarnissamik anguniagaqarnermi ilisarnaatinngortinniarlugu, ujaarineqalersimavoq. Illuinnarsuut, ukiut 40-t sinnerlugit matuma siorna matoorunneqartoq, itsarnisarsiuut nivattaassuit ikiorsiullugit ujaaraat.
Mandela, sakkutuutut sungiusariassalluni Sydafrikamiit 1962-mi isertorluinnarluni aallalermat, oberstip Etiopiamiup illuinnarsuut tunissutigisimavaa. Nelson Mandelali kingunitsianngua tigusarineqarpoq, qaqortumillu amilinnit parnaarussaasussanngorami, tunissutisiani taanna, imassaalu 200-t, nunamut assaassimavai.
Nuna assaassiffigisani Mandelap 2003-mi kingumut tikeraarpaa. Tikkuarpoq oqarlunilu: - Ikaniippoq.
Taamanimiilli illuinnarsuut ujaarineqalerpoq.
Ujaasineq Nelson Mandelap nammineq nuannaarutigisorujussuuvaa. Mandela maanna 87-nik ukioqarpoq, taakkunanngalu ukiut 27-t parnaarussivimmiippoq. 1990-mi iperagaavoq, Sydafrikamilu præsidentitut 1994-imi qinigaavoq, qernertumik amilimmik pernaammik præsidentinngortoqarluni.
