Nunatta nunat avannarliit ilikkagaqarfigisinnaagai

Illoqarfinni nunaqarfinnilu innuttaasut imaanit inuussutissat atorlugit nioqqutissiassanik nutaanik pilersitsiniarneranni kommunit pingaaruteqarluinnartut, Nordregiop pisortaata tulliata oqaatigaa.

- Taamaalillutik kommunimmit nunalluunniit immikkortortaani oqartussanit ikorfartorneqarunik, sumiiffimminni pisuussutit tunngavigalugit ineriartortilluakkanik pilersitsinissamik periarfissaqassapput, soorlumi Norgemi, Islandimi Savalimmiunilu taamaaliortut takusarivut, Karen Refsgaard oqarpoq.

Nalunaarusiaq, State of the nordic region nunat avannarliit ministeriisa siunnersuisoqatigiiffiata nunait immikkoortuini ineriartortitsinermut immikkoortortaanit suliarineqartoq pisuussutinik atorluaanermi periarfissanut tunngavoq.

Kommunit ineriartortitsisinnaasut

Allaaserisaq ataatsimut isigalugu inoqarfinni inuussutissarsiornermut iluaqutaasumik inuussutissanik innaallagiamik, tunisassianillu allanik pilersitsiniarnermi imaani pimnngortitamilu pisuussutit nunami qanoq atorluarneqarsinaanerannut tunngavoq .

Nordregiop pisortaata tullia naapertorlugu nunanit avannarlernit kommunit ilaatigut qeqqussanik assigiinngitsunik nioqqutissiortut nunatsinnit ilinniarfigineqarsinnaalluarput.

- Nukittuunik nunaqarfeqartiterpat, taakkualu arlaatigut ikorfartorneqarunik imaluunniit nunani avannarlerni arlaannut, aamma aalisarnermik piniarnermillu inuussutissarsiuteqarfiusunut attaveqaateqalertuugunik, pisanik qanoq nalitunerulersitsisinaaneq ilinniarsinaassagaat ilimagaara, Karen Refsgaard oqarpoq.