Mamakujuttunut akileraarut allannguuteqassanngilaq

Mamakujuttunut akitsuut allanngortinneqassanngitsoq aningaasaqarnermut naalakkersusup, Randi Vestergaard Evaldsenip, naqissuserpaa. Randi Vestergaard Evaldsenip siuliata Vittus Qujaukitsup naalakkersuisoqarfimmiit soraannginnermini akitsuut allannguutissatut siunnersuutiginiarsimagaluarpaa.

Allattoq Bibi Nathansen

marsip 21-at 2016 13:52

Siunnersuulli Inatsisartut upernaakkut ataatsimiilerpata oqaluuserisassatut allassimanngilaq, tassami akitsuutip allanngortinneqarnissaa suaarutiginnginnerani Qujaukitsup naalakkersuisunut ilaasortat allat oqaloqatigeqqaarsimanngilai.

Aamma atuaruk Sukkunut akitsuut juullimi niuffannikinnerulersitsivoq

- Tassa ilumoorpoq uani issiavimmi siulima taanna nalunaarutigisimammagu, kisianni oqaatigissavara akitsuutinut tunngatillugu Naalakkersuisut tungaaninngaanniit isummagut allanngorsimanngimmata. Aallaqqaataaniillii uku aalajangiussagut suli aalajangiuteqqavavut, aningaasaqarnermut naalakkersuisoq Randi Vestergaard Evaldsen, Demokraatineersoq oqarpoq.

Taassuma aningaasaqarnermut naalakkersuisoqarfik Vittus Qujaukitsumit tiguaa, maanna Inuussutissarsiornermut, Suliffeqarnermut Niuernermullu naalakkersuisuusoq.

Akitsuut

Akitsuut eqqussinermi akitsuutaavoq, niuertunullu nioqquteqartut, nioqqutinik eqqussisuusartuullutillu akiliisartuupput, akileraartarnermullu pisortaqarfimmiit paasisat naapertorlugit pisiniarfinnut minnernut kinguneri aarleqqutigineqartumiit ajunnginnerupput.

- Pisiniarfiit minnerit eqqugaannginnerat uani aamma paasisimagatsigu soorunalimi attatiinnarparput, Randi Vestergaard Evaldsen KNR-imut oqarpoq.

Taamaattorli akitsuutip atulersinneqarnera Naalakkersuisunit naammagineqanngilaq, akitsuutinillu kingumoortumik atuutitsilertoqaqqinnavianngitsoq naalakkersuisup naqissuserpaa.

Aamma atuaruk Vittus: mamakujuttunut akitsuummut aaqqiissuteqartoqangajalerpoq

- Periuuseq siornatigut atorneqartarsimasoq, ullormiit ullormut aalajangiussisarneq, atoqqinneqalissaaq. Uani Naalakkersuisuninngaanniit aamma takusimagatsigu iliuuserisimasaq eqquinerlussimasoq. Taamaammat siornatigut iliuuserineqartartoq uterfigineqassaaq, Randi Vestergaard Evaldsen oqarpoq.

Maannali siorna anigaasartuutinut inatsit naalakkersuisup oqaluuserikatattutut ippai.

- Apeqqut uaniikkunnaasaaq ukiaanerani 2016-imi susoqarsimanersoq, kisiannilii eqqarsaataalertariaqarpoq Aamma atuaruk aningaasanut inatsimmut 2017-imut aningaasat isertitat aammalu atukkat oqimaaqatigiisinnissaat. Taanna piviusorsiornerujussuuvoq aammalu pingaarnerujussuulluni, Randi Vestergaard Evaldsen oqarpoq.

Aamma atuaruk Aningaasaqarnermut ataatsimiititaliap Naalakkersuisut isornartorsiorai