Malmømi eqqaassisartutut pasisaq tigusaraat
Tamanna Malmømi politiit ullumi siusinnerusukkut tusagassiortunik katersortitsinerminni uppernarsarpaat.
Angut Sverigimiuusoq ippassaq unnukkut arfineq-marlunut qiteqquttoq tigusarineqarpoq, taamaattorli pisuunnginnerarluni, unnerluutiginnittunit Solveig Wollstad tusagassiortunik katersortitsinermi taama oqarpoq.
38-nik ukiulik Sverigimiuusoq 2009-mi oktobarimi toqutsisimasutut pasineqarpoq aamma, 2009-mi oktobarimiit ukiormanna oktobarimut, nunani allamiunut nunasisunut arfineq marloriarluni eqqaassisimasutut aamma pasineqarluni.
Tigusarineqartoq politiinut unnerluutigineqassanersoq, kingusinnerpaamik marlunngorpat ulloqeqqanut unnerluutiginnittut aalajangiiffigissavaat.