Savalimmiuni Islandimilu tunillaassuunnerup annertusiartornera tunngavigalugu Islandimit Savalimmiunillu nunatsinnut angalasunut piumasaqaatit immikkut sakkukillisat maannamuugallartoq atorunnaarsinneqassasut, Naalakkersuisunit aalajangerneqarpoqAssi: KNR

Malittarisassat nutaat: Savalimmiunit nunatsinnut angalasunut killilersuisoqaqqilersoq

Savalimmiuni Islandimilu tunillatsissimasut amerliartorput, taamaammat angalasunut killilersuinernik maanna atuutsitsilertoqarpoq.

Savalimmiunit nunatsinnut angalasut aninaveersaanngikkunik tikinnerminnit ullut tallimat qaangiunneranni coronaut misissorneqassapput.

Naalakkersuisut taama paasissutissiipput.

Tamanna Savalimmiuni tunillatsissimasut piffissami matumani amerliartornerannik pissuteqarpoq.

AAMMA ATUARUK Savalimmiuni coronamik tunillaassuuttoqartoq

Savalimmiuni najugaqartut danskisullu innuttaasuussuseqartut imaluunnit islandimiusut innuttaassuseqartut tassanilu najugaqartut nunatsinnut angalasunut killilersuinernut ilaatinneqanngillat.

Savalimmiuni Islandimilu tunillaassuunnerup annertusiartornera tunngavigalugu Islandimit Savalimmiunillu nunatsinnut angalasunut piumasaqaatit immikkut sakkukillisat maannamuugallartoq atorunnaarsinneqassasut, Naalakkersuisunit aalajangerneqarpoq.

Katerinninnerneeqqusaanatillu caféneeqqusaanngitsut

Tamannalu Savalimmiunit nunatsinnut angalasut katerinninnerni aaqqissuussinernilu peqataaqqusaannginnerannik isumaqarpoq.

Aammattaaq coronavirusimik tunillatsissimannginnermut uppernarsaateqalertigatik niuertarfinni, atuakkanik atorniartarfinni, neriniartarfinni cafénilu isersimaqqusaanatik, Naalakkersuisut paasissutissiipput.

AAMMA ATUARUK Grønland åbner igen: Fra i næste uge er der fri indrejse

Taamaattorli ulluinnarni nioqqutissanik pisiniarnerit allatullu pisariaqavissumik pisiniarnissat allanit isumagineqarsinnaanngitsut isumaginissaat akuerineqartut, nalunaarummi allassimavoq.

Nunanit killilersuiffiusunit, tassunga ilanngullugu Savalimmiunit Nunatsinnut angalasunut piffissaq killilersuiffiusoq ullunik 14-inik sivisussuseqarpoq.

Nunatsinnulli tikinnermiit ullut tallimat qaangiunneranni coronavirusimut misissortinnissaq aalajangerneqarsinnaavoq. Misissortinnerullu tunillatsissimanngitsoq uppernarsarpagu allanut attaveqaqqusaannginneq unissaaq.

Islandimit nunatsinnut angalaniartut aallannginnerminni ullut sisamat tallimat sioqqullugit misissortissimassapput. Misissortinnermi tunillatsissimanngitsoq uppernarsarneqarpat angalasoqarsinnaavoq, nunatsinnullu tikinnermi mattusimasoqarnissaa misissortittoqaqqinnissaalu piumasaqaataanngilaq.

Aatsaat killilersuisoqalinngitsoq

Angalasunut aatsaat siullermeertumik killilersuilersoqanngilaq. Timmisartuussineq tamarmi marsimi matuneqarpoq, timmisartumullu ilaanissamut billetsersisinnaaleqqittoqarmat killilersuinerit sukannersut atorneqarput.

Nunarput juunip ulluisa 15-ianni ammaqqimmat avataanit tikittut sapaatip-akunneranut amerlanerpaamik 600-t tikissinnaatitaapput.

Naalakkersuisut ammaajartuaaqqinnermut immikkoortut pingajuannut ikaarsaariarnissaannut qaammat ataaseq sinnilaarlugu ingerlaqqaarpoq, tassanilu nunatsinni illoqarfinnut annernut tikittut coronamut misissorneqaqqaartarnissaat piumasaqaataajunnaarpoq, aatsaat nunanit aarlerinartoqarfiusuniissimagunik.

Island Savalimmiullu maanna aarlerinartoqartut ilaanniilerput.

Savalimmiuni coronamik tunillatsissimasutut uppernarsarneqarsimasut maanna 227-upput. Savalimmiut apriilip qaammataanili tunillatsittoqarsimanngikkaluarluni tunillatsissimasut aggustip aallartinnerani amerliartuleqqipput.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 7448
  Tunillanneqarsimasut 14
  Peqqisseqqittutut nalunaarutigineqartut 14
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Pissarsivik: nun.gl
  Nutarterneqarpoq
  septembarip 18-iat 2020 nal. 10:45