Malinnaasoq: Politikerit aningaasarsiornikkut soqutigisaat tamanut saqqummiuttariaqarput
Sten Lund suliffeqarfik pillugu paasissutissanik amerlanerusunik pitinnani suliaq unarpiaq pillugu oqaaseqarumanngilaq, kisianni isumaqarpoq, suliassat taamaattut misissoqqqissaarneqartariaqartut.
- Politikikkut inuussutissarsiornikkullu soqutigisat akuleriisinneqaraangata, itinerusumik misissuiffigilluarneqarsinnaapput, ingammik allat ilisimasinnaangisaannik ilisimasaqarneq tunngavigalugu piginneqatigiiffimmik pilersitsisimasoqartillugu, taava killissat imaassinnaavoq qaangerneqarsimasut, Sten Lund oqarpoq.
Suliaq Greengemsimut tunngasoq siorna aamma aallassatitsivoq, Ove Karl Berthelsen Naalakkersuisullu siulittaasua Kuupik Kleist piginneqatigiiffimmut Greengemsimut, Nuup eqqaani ujaqqanik erlinnartunik ujarlertumut, attuumassuteqarnerat tamanit tusarneqarmat. Kuupik Kleist taamani oqarpoq, aningaasarsiornikkut soqutigisat tamanut saqqummiuttarnisaar aqqutissaalluartoq:
- Greengems pillugu ukiarmi aamma oqallittoqangaatsiarpoq, naalakkersuisut siulittaasuata naalakkersuisunilu ilaasortap allap suliffeqarfimmi tassani soqutigisaqarnerat pissutigalugu. Tassunga atatillugu Naalakkersuisut siulittaasuata saqqummiuppaa, politikerit aningaasatigut soqutigisatik tamanut saqqummiuttarpatigit pitsaassasoq, Sten Lund oqarpoq.
Politikerilli politikeriunngikkaramilli aamma ulluinnarni inuuneqarput, aammalu politikeriujunnaarunik siunissaqarusullutik.Taava qanoq iliorlutik soqutigisamikinnuttaasunit apeqquserneqartannginnissaat isumagissavaat?
- Politikerit aningaasatigut aningaasatigut atugarisaat malinnaaffigissallugit pissusissamisoortutut isigineqaannarsinnaavoq, Sten Lund oqarpoq.
Tassalu taanna isumaqarpoq, erseqqissunik malittarisassiortoqartariaqartoq, politikkerit inuussutissarsiornikkut soqutigisaannut tunngasunik innuttaasunit malinnaaffigineqarsinnaanngorlugit:
- Piffissami kingullermi takusalerpavut suliffeqarfissuit, kalaallinut inuiaqatigiinnut annertuumik sunniuteqartussat, taamalu pingaartumik piffinnut ataasiakkaanut sunniuteqartussat, pilersiortorneqarsut. Tassanilu pingaaruteqartorujussuuvoq, assigiinngitsut tamarmik qulaajarneqarnissaat. Tamakkualu inuiaqatigiinnut sukumiisumik paassissutisiissutiginissaat pingaaruteqarpoq, Sten Lund oqarpoq.
