Malimmut nalukkiartut millionissaat
Naluttarfimmut isertartut nalunaarsorneqartuarpoq, qaammatikkuutaartumillu kommuni nalunaarfigineqartarpoq qassiusimanerinik.
- Qallunaat Nunaanni naluttarfiit qassiit pulaartui tamatuttaaq nalunaarsorneqartarmata uagut maani pulaartutsinnut sanilliussinnaasarpagut. Qaammatillu tamaasa nalunaarfigineqartarpugut imannak: Kingumunaasiit Naluttarfik ”Malik” ajugaavoq, taama Kommuneqarfik Sermersuumi borgmesteri Asii Chemnitz Narup ullumi oqalugiarnermini oqarpoq.
- Innuttaasunut atuisartunullu Malik-mik atuilluarnissinnik qamanngavik kommunalbestyrelse sinnerlugu qutsavigaassi, minnerunngitsumillu illit pulaartoq nr. 1 million: qujanaq pilluarillu, oqarpoq taavalu Solvej Gudmandsen naluttarfimmut akeqanngitsumik isissutissamik koorersuarmillu tamalaanik imalimmik tunillugu.
- Malimmut nalukkiartartut assut inuummarissaatigisassagaat qularinngilara, unnersiortullu amerlasaqaat – aamma sullinneqarluartarnerminnik. Periarfissaq iluatsillugu Maliup pisortaa Calle Tøtrup sulisullu qutsavigaassi inussiarnersumik kiffartuussisarnissinnut, ilissittaaq pilluarujussuaritsi, qanortoq ukiorpassuarni Naluttarfik Malik illoqarfitsinni nuannaarutaagili, borgmesteri naggasiivoq.
Naluttarfik Malik septembarip arfineq-aappaanni 2003-mi atuutilerpoq, qaqutigoortuuvorli naluttarfiit Malittut angitigisut allat ukiut arfinilingajaat ingerlanerini taama isertigisoqartarnerat, Naluttarfimmi pisortaq Calle Tøtrup oqarpoq.