Malik Høegh 60-nik ukioqalerpoq
Nipilersortartoq erinniortorlu Malik Høegh ippassaq 60-nik ukioqalerpoq.
Kingumut qiviarfigisinnaavaa ukiorpassuarni nipilersortuuneq. Sulilu appittarpoq nipilersoqatigiit Sume nipilersoqquneqaraangata.
Inuttaata nammineq kissaatigisimassagunaraluarpaa malugineqarpallaarani ullorsiornissi. Taamaattoq inuuissiornera Inatsisartut siulittaasuata Josef Motzfeldt malugaa pilluaqqussummillu nassiussiffigalugu.
- Inuiaqaterput inuuissiortoq nunamut inuiannullu aalajangersimasunut pituttuinngikkaluarluni sumit naggueqarnini tunngavigalugu nunarsuarmiuusutut eqqarsartaaseqarluni maligassiuisuunini nersorneqaatissaasa ilagilluinnarpaat, Josef Motzfeldt pilluaqqussummini allappoq.
Malik Høegh ilisimaneqarlualerpoq nipilersoqatigiit Sume 1973-mi saqqummersimmassuk nuussuaq Sumut. Tamatuma kingorna pingasunik allanik Sumekkut saqqummersitsipput.
Malik Høegh kulturikkut nersornaammik 1993-mi tunineqarpoq.