Malik Arctica RAL-ip tigugaa
Royal Arctic Linep umiarsuaq containerilersuut angisooq - m/s Malik Arctica - ullumi tallimanngornermi februaarip 17-iani tiguaa.
Allattoq Jonas Fievé
februaarip 17-at 2017 13:09
Malik Arctica umiarsuit Polenimi umiarsualiorfissuarmi Remontowami maajimi ukioq 2013-imi sanatinniarlugit piniarneqarnikuusat kingullersaraat.
Umiarsuup taassuma nutaap Mary Arctica assigivaa pitsanngorsagaallunili.
Soorlu takissusia 114 meterinngortinneqarnikuuvoq tassanilu inissat sanatinneqarnikuullutik, ilinniartoqarnermi ilaatigut atorneqartartussatut.
Umiarsuaq 10,537 bruttotonsiuvoq maskiinaalu pingaarneq 10.687 Hestektraftiulluni.
Umiarsuup containerit 20 fod-sit 606-it usisinnaavai.
Umiarsuaq suli suliarineqartoq maanna Polenimiippoq, naatsorsuutigineqarporlu maajimi nunatsinnukaanneqarnissaa.
