Maliina isummaminik allannguinianngilaq
Atsiornerit 2.628-it Maliina Abelsenimut ataasinngornermi ualisoq tunniunneqarput. Atsiornertigut akerliuffigineqarpoq juulli sioqqullugu Namminersorlutik Oqartussat qaammammusianik tunniussiniannginnerat. Taamaakkaluartoq Naalakkersuisut apriilimi aalajangernertik aalajangiusimavaat.
- Soorunami paasisinnaavara allannguinerit malunnartarmata pissutsillu nutaat naleqqussarfigineqartariaqarmata. Kisianni tatigaakka ilaqutariit meerartallit. Naalakkersuisut aalajangernerput allaffissornikkut sipaaruteqarnissaq pillugu aamma matuma malitsigissavaa januaarip takisuutut misinnarpallaannginnissaa, Maliina Abelsen akerliusunut taama akissuteqarpoq.
Sulinermi inuussutissarsiutillit kattuffianni SIK-mi siulittaasup Jess G. Berthelsenip Naalakkersuisut malartaasernerat pissaanermik takutitsiniarnertut taavaa.
- Isumaqarpunga Maliina Abelsenip tamatta anaanaasaarfigigaatigut oqaluttuunniarsaraluta aningaasaativut qanoq atussagivut. Pissaanermik takutitsivoq ersersinniaramiuk nammineq aningaasivik aqukkini atsiornerpassuillu tunniunneqaraluartut malartaaserami, Jess G. Berthelsen KNR-imut oqarpoq.
Kommuneqarfik Sermersooq KNR-imut ilisimatitsivoq isumaginnittoqarfimmut saaffiginnittut januaarip qeqqani malunnartumik amerlisartut aningaasat nungukkaangata. Kommune naliliivoq siusissukkut qaammammusisarneq tamatumunnga pissutaasoq.
SIK har sammen med fire øvrige fagforeninger varslet en voldgiftssag, der skal afgøre, om Selvstyret har været i sin gode ret til at gøre op med traditionen med juleløn. Og som advokat Peter Breum på vegne af blandt andre lærerne og pædagogerne fortalte i radioavisen, satser man på at få afklaret spørgsmål som en hastesag inden jul.
SIK, sulisartut kattuffii allat sisamat peqatigalugit, isumaqatigiissitsiniarluni eqqartuussisulersuussinissamik suliassanngortitsipput, akissarsiat juullip kingorna Namminersorlutik Oqartussanit tuniunneqarnissaanut akerliuffigalugit.
Eqqartuussissuserisoq Peter Breum, ilinniartitsisut perorsaasullu sinnerlugit, suliamik ingerlatsisoq radioavisimut oqarpoq, suliaq juullertinnagu naammassiniarlugu nukinngiussassatut suliarineqartoq.
