Maliina: Arnat kisimik sorsuttussaanngillat

- Nunatsinni arnat angutinut sanilliullutik ilinniagaqarnerusarput, angutillu aalisartuullutillu piniartuunerusarlutik. Taamaammat silap allanngornerata kingunerisaanik nunarsuatsinnilu aningaasarliortoqarnera pissutaalluni, angutit eqqugaanerupput, naligiissitaanermut naalakkersuisoq Maliina Abelsen oqarpoq.

Naligiissitaaneq anguniarlugu arnat kisimik sorsuttussaanngitsut inuiaqatigiillu tarmik sorsuttussaasut, Maliina Abelsen isumaqarpoq.

- Arnat angutinut angutilluunniit arnanut akioriittussaanngillat, oqallinnerli qaffasinnerujussuarmiittussaavoq, Maliina Abelsen oqarpoq.

- Aningaasarliornerup silallu allanngoriartornerata kingunerisaanik angutit suliffii eqqugaanerupput. Taamaammat naligiissitaaneq inuiaqatigiit tamarmik susassarisaannut attuumassuteqarpoq, aamma aalisartunut piniartunullu, Maliina Abelsen oqarpoq.