Maliina Abelsen ukiormanna arnatsialattut toqqagaasoq
![](/sites/default/files/styles/image_934x467/public/article_images/maliina_abelsen_12_2.jpg?itok=cJ-lWj9n)
Maliina Abelsen ataatsimiititaliaq naapertorlugu arnanut namminersortunut, nukittuunut piumassuseqqortuunullu maligassiuisuuvoq. Arctic Winter Gamesip siuttuuffiginerata saniatigut aamma aningaasaqarnermut nunanillu avannarlernik suleqateqarnermut aammalu ilaqutariinnermut isumaginninnermullu naalakkersuisuusimavoq.
- Maliina Abelsen arnaavoq ullunut atukkaminut naleqqussartoq anguniakkaniminik angusaqarniartoq, uummateqarluartoq, inunnut isumaginnittuulluni soqutiginnilluarlunilu. Najuutsillugu arnat angutillu toqqissisimaffigisarpaat ataqqineqartutullu misigiffigisarlugu, arnat ulluat pillugu ataatsimiititaliap toqqaanerminni tunngavilersuutaasa ilaat taama oqaasertaqarput.
Tele-Postip pisortaanerata Michael Binzerip arnat ulluat pillugu ataatsimiititaliaq sinnerlugu Maliina Abelsen arfininngormat nersornaammik tunissuteqarfigaa.