Maligassiuilluartoq nersornaaserneqarpoq
Johanne M. Petersen, 75-inik ukioqaleqqammersoq, Kommuneqarfik Sermersuumit nersornaaserneqarpoq.
Allattoq Louise M. Kleemann
Johanne M. Petersen uinilu hoteliuteqarsimavoq ukiullu ingerlaneranni ilaatigut kommunalbestyrelsimut ilaasortaasimalluni.
- Peqatigiiffippaalussuarni suleqataasarsimavoq, soorlu arnat peqatigiinni ukiorpassuarni ilaasortaavoq, ilaatigut siulittaasuusarluni. Aamma illerfissarsiutileqatigiinni suli siulersuisuni ilaavoq, peqatigiiffinnilu allani innuttaasunullusooq maligassiuilluni suliaqartarluni, kommunalbestyrelsimi ilaasortaq Thiiooq Knudsen kommuni sinnerlugu nersornaasiisoq ilaatigut taama oqarpoq.
Nersornaat 3.000 koruuninik aningaasartaqarpoq.