Malerujussuit Uummannamut qaartut
Pinngortitap nukissui taamatut takkuttut Uummannarmiut "tassaaartoq"-mik taasarpaat tamannalu sapaammi ualikkut pivoq. Iluliarsuaq illoqarfimmiit meterit 100-ut arlalialunnik ungasitsigaluni aserorpoq. Pisoq sakkortugaluartoq qujanartumik inunnik ajoqusertoqanngitsoq, Uummannami politiit KNR-imut ilisimatitsipput.
Politiit, qatserisartut ambullance-llu sissamukarasuarpoq malissuit qaarmata. Inuk ataaseq napparsimmaviuk puttasuisa eqqaani malissuarnit nusutsilluni isikkaluarpoq taamaattorli nammineq nunamut qaqisinnaasimalluni.
Umiatsiat sissami amoqqasut suli tiffarnerlugit malissuit qaarfigaat allaat aqqusinermut qaleriiaartuusiinnarlutik unillutik.
Iluliarsuaq malunaaqutaq 16.49 aserorpoq taaneqareersutullu qujanartumik inunnik ajoqusertoqanngilaq. Umiatsiaatillit tamassa misissoqqissaaleruttorpaat pinngortitap nukissuisa takunnerat umiatsiap ajoquserani attassimaneraa.
Franz Petersen nittartakkamik Tusaamasat.gl-mik ingerlatsisoq malissuup qaarnerani immiussisimavoq.
Iluliaq aserortoq from Franz Petersen on Vimeo.
