Malaysiamut takornariassagussi kunissuuteqqusaanngilasi

Malaysiap illoqarfiisa pingaarnersaannut, Kuala Lumpurimut, arlaatigut takornariariassagaluarussi asasallu kunissuunissarsi mianersuutilaarisiuk. Aappariit Kuala Lumpurimi najugallit takornariartarfiit ilaanni Petronap Napasorsuiniitillutik tamat takusinnaasaannik kunissuuttut tigusarineqarput, ukiorlu ataaseq paarnaarunneqarnissaminnik siorasaarneqarlutik. Taama allappoq Jyllands Posten. Takornariat kikkulluunniit kunissuunnerminni tigusaallutillu paarnaarussaasinnaanerinik oqaluttuuttarniarlugit asasigiit illersuisuat siorasaarereersorlu, tappavani illoqarfiit pingaarnersaanni borgmesterip takornariat eqqissisarniarsarai tikeraarnerminni politiinit tigusarineqartarnavianngitsut. Malaysiami innuttaasut Muuamaamik upperisaqarput, tappavanilu TV-imi aallakaatitassiat kunissuunnertallit kunissuunnertaajarneqartarput.