Malaysiami kigutit qaqorsaataat oqallissutaaqaaq

Malaysiami kigutit qaqorsaataat Oral-Me-mik atserneqarsimasoq innuttaasunit oqallissutaaqaaq, ilaasa ajorinngikkaat, ilaasa atoqatigiinnermut tunngavallaarsorigaat.
maajip 05-at 2008 09:36

“Oral” isumaqarpoq qaneq “Me” isumaqarluni uanga.

Atuisartut Penangimi siunnersuisoqatigiiffiata kigutit qaqorsaataata niuertarfissuarni tunisaanera inerteqqutaasariaqarsoraa.

- Sunamitaavaana kigutit qaqorsaataannik atsiinialeramik eqqarsaatigisimagaat, Atuisartut siunnersuisoqatigiiffiata ilisimatusartua Hatijah Hashim aperaaq.

- Immikkut eqqarsaateqanngilagut, kigutit qaqorsaatiliorfimmiit oqaaseqartitaq oqarpoq.

- Oral atimi aallaqqaasiunnera soorunami kigutit qaqorsaataat qanermut tunngalluinnassammat taama atsiivugut. Eqqumiigisassaanngilaq, Oral-Me-mit oqaaseqartitaq nassuiaavoq.

Oqaatigineqanngilaq kigutit qanorsaataat qanoq mannamut tunineqartigisimanersoq.