Malaysia-mi inerteqqutaalersitsipput
Malaysiap naalakkersuisui ingasattajaartuunngitsut, pruffiiti Muuamaamik titartakkat siammarternissaat allaallu piginissaat inerteqqutigilersikkaat, Ritzau allappoq. Malaysiami akerliussutsimik takutitsineqareersullu naalakkersuisut taama aalajangerput.
Malaysiami oqartussat aviisi Sarawak Tribune muuamaamik titartakkanik saqqummersitsisoq aamma matuaat, islamimik upperisalinnut kamassaarisutut isigalugu.
Muuamaamik titartakkanik naqiterineq, eqqussuineq, sananeq, siammarterineq peqarnerluunniit inerteqqutaalerpoq.
Malaysiami naalakkersuisut neriupput eqqissiviilliutaasinnaasut taamaaliornikkut ingalassimatissinnaanngoritik.
Nunani muuamaakkoqarfinni akerliussutsimik takutitsinerit ullumi ingerlanneqassangatinneqarput, soorlu Libanonimi, tallimanngornermi qinoqatigiinneq pitinnagu. Malaysiami pisunut atatillugu oqaatigisinnaavarput, kalaaleq arnaq Sisimiormiormiu 17-inik ukiulik atuarluni tappavaniimmat. Illoqarfiit pingaarnersaata Kuala Lumpurip eqqaani najugaqaraluarluni eqqissiviilliornerit malugisimanngikkai, aviisi Sermitsiaq allappoq.
Malaysiami muuamaamik titartakkat ulluinnarni eqqissiviilliuutaagaluartut, sisimiormiup angerlarnissi eqqarsaatiginngilaa, taartumik tappavanimiusulli ameqarami, nunani killermiusulli akutaanani.
