Makka Fenker: Meeqqat sumiginnagaasut amerlassusaat tupannarpoq alianarlunilu

Inunnik isumaginninnermi pisortat peqatigiiffianni siulittaasup tupaallaatigaa Nuummi meeqqanik sumiginnaaneq taama annertutigimmat, isumaqarporlu nunatsinni politikerit ajornartorsiut kommuninut miloriutiinnarpallaartaraat.

Misissuineq sulisitsisut peqatigiiffiannit suliarineqartoq takutippaa politiinut nalunaarutigineqartuni meeqqat 30 procentii sumiginnagaasuusut.

Makka Fenker inunnik isumaginninnermi pisortat peqatigiiffianni siulittaasuusoq nunatsinni sulisitsisut peqatigiiffianit nalunaarusiaq naammasseqqammersoq kisitsisinik tupaallannartunik alianartunik takutitsisoq, isumaqarporlu illoqarfinni allani misissuisoqartoqartariaqartoq.

-Nalunaarusiaq nammineq takunngilara, kisianni tupannarlunilu aamma alianarpoq, paasillugu ajornartorsiut taama annertutigilersimammat, isumaqarpungalu illoqarfiit ajornanngippat tamarmik aamma misissuiffigineqartariaqartut.

Kommuninit inunnik isumaginninnermi aningaasaliissutaasartut kommunit aningaasaqarnerat naapertorlugu aningaasaliissutigineqartarpoq, qularutiginngilaralu kommunit annertunerusumik aningaasaliissuteqarusuttassagaluartut, Makka Fenker oqarpoq.

Makka Fenker isumaqarpoq pinaveersaartitsineq annertooq silittorlu ingerlanneqartuartariaqartoq, nunamilu qinikkat tamarmik suliniuteqarnermut suleqataasariaqartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat