Majseeqqat Danmarkimi naarlulissutaasut
Majseeqqanik babymajsinik taaneqartartunik nerisaqarsimanertik pissutigalugu Danmarkimi inuit naarlulersimasut amerliartuinnarput.
Bakteeriamik shigella-mik tunillanneqarnermi kingorna napparsimalersimasut Danmarki tamakkerlugu 60-iupput tunillanneqarsimasullu katillugit 200-juullutik.
Napparsimalissutaasullu tassaanerarneqarput nerisassiornermi atorneqarluartartut majseeqqat Thailandimeersut. Misissuereernerup kingorna tamanna paasinarsivoq.
Majseeqqat niuertunut nioqquteqartartunut, nerisassanik sassaalliisartunut, neriniartarfinnut pisiniarfinnullu Lemcke A/S-imit Europa Frugtimiillu tunineqartarsimasut, maanna utertinneqalerput.
Eertat tungusunnitsut tunillaassuisinnaasunik akoqartutut Inuussutissaqarnermut Aqutsisoqarfimmit pasineqaqqaaraluarput, misissuisoqarneratigulli majseeqqat pissutaasut Inuussutissaqarnermut Aqutsisoqarfimmit paasineqarpoq.