Mafiat 60-it tigusaapput

Calabria-mafianik taaguuteqartut 60-it, Italiap kujasissuani Ndrangheta-mi tigusarineqarput. Tigusarineqartunut ilaavoq, illoqarfimmi politiit ilaat, taama Italiami politiit oqaluttuarput.

Tigusarineqartut 60-iusut ikiaroornartunik sakkortuunik narkotikanik eqqussuisarsimasutut, aningaasanillu pinngitsaaliillutik arsaarinnittarsimasutut pasineqarput. Aamma inertequtaasunik sakkulerlutik angalaartarsimasutut pasineqarput.

Aningaasat 400 million koruunit nalingi aamma arsaarinnissutigineqarsimasut, Italiami politikorpsimi generali Carabinieri oqarpoq.

Aamma partiit ilaanni qiterliunerusumi UDEUR-imi siulittaasoq, Franco La Rupa, tigusarineqarpoq. Taanna eqqunngitsuliorluni qinersinermi iliuuseqarsimasutut, aammalu aaqqissuussamik inupiluuserniartarsimasutut pasineqarpoq.

Tigusarineqartup partiia UDEUR-i, Italiami naalakkersuisup Romano Prodip naalakkersuisooqataaneranut ilaavoq. Partiip UDEUR-ip inatsiseqarnermut naalakkersuisuuffik tigummivaa.