Mads Lumholt Nordatlantens Bryggemi nipilersussaaq

Nipilersortartoq, siuttoq erinarsortartorlu Mads Lumholt sisamanngornermi marsip 7-anni Nordatlantens Bryggemi marloriarluni tusarnaartitsissaaq. Tassani tusarnaartitseriaaseq Madsip nammineq taasaa ”tusarnaarujoorfiit” misilinneqaqqaassaaq.
Allattoq Peter Troelsen
marsip 06-at 2013 11:15

Immikkut ittumik tusarnaartut misigaqarnissaat qularnanngilaq. Tusarnaariammi innanngavissaminnik, tippimik kiisalu akitsimik nassaqquneqarput, natermi innarlutik tusarnaarsinnaaniassagamik.

Mads Lumholt nammineq guitarerlunilu qilaasersussaaq, tusarnaartitsinerminilu tusarnaartut akornanni angalaassammat allarluinnarmik misigisaqartoqassaaq. Lumholt tusarnaartitsinermini noqartilissortartumit Mads Granumimit ingiorneqassaaq.

Tusarnaartitsinerit ingerlanneqassapput 19.00 – 20.00 kiisalu 21.00 – 22.00, sinneqartoorutillu tamarmik Foreningen Grønlandske Børnimut tapiissutigineqassallutik. Isrneq 60 koruuneqassaaq. Internetikkut uani biletsinik inniminniisoqarsinnaavoq:www.politikenbillet.dk/nordatlanten.

Mads Lumholtip erinarsuutit nutaat tusarnaartitsissutigissavai, kingusinnerusukkullu immiunneqarneranni iluanaarutit aamma Foreningen Grønlandske Børnimut tunniunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq