Mads Lumholt angumersivoq erinarsoqatigiillu ingerlaqqipput
Mads Lumholt Nuummiit angallammik Sisimiunukareerluni aamma nalunaaquttap akunnerini marlunni Kangerlussuarmut qamuteqaralareersorlu Air Greenland aaqqissuussivoq, taamaalillunilu Mads Lumholt ullumi timmisartumut Københavniliartumut siullermut inissaqalerluni.
Timmisartoq Danmarkip nalunaaqutaa najoqqutaraluigu arfineq-pingasunut qiteqquttoq - AllStars-it aallakaatinneqarnissaat nalunaaquttap akunnerata affaanik sioqqullugu Mads Lumholt biilinut utaqqisunut isipallappoq, Julie Berthelsenillu erinarsortartui arfineq-pingasut qaangilaaraa Mads Lumholtimik timmisartukkut tikerlaamik siuttoqarlutik scenimut qaqipput.
Tamannalu Danmarkimi Nunatsinnilu tv-kkut isiginnaartut nuannareqaat!
SMS-ikkut taasinerit naammassimmata Julie Berthelsenip erinarsoqatigiivi Nina Kreutzmann Jørgensenimik Mads Lumholtimillu siuttoqarlutik ingerlaqqinnissaat paasinarsivoq.
Taamaalillutik Mads Lumholt aamma Nina siuttoralugu tulliani tallimanngorpat ualikkut sisamanut ingerlaqqinnerat KNR-TV-kkut takuneqarsinnaassaaq.