Mads Lumholt akunnerup affaa atorlugu anngunniartariaqassaaq
AllStarsimi peqataasussap Mads Lumholtip ilungersorluni anngunniarnera iluatsittussanngorunarpoq, tassami TV-2-mi erinarsorluni aliikkusersuinerup aallartinngilaattaani Danmarkimut tikissangatinneqarami.
Allattoq Louise M. Kleemann
apriilip 23-at 2010 12:45
AllStarsip aallartinnissaanut nalunaaquttap akunnera affaannanngortoq timmisartoq Danmarkimut nunnissangatinneqarpoq.
Islandimi qaqqap innermik anitsinerata kinguneranik timmisartoqqusiunnaarnermi t Mads Lumholt eqqugaasunut ilaavoq, taamaattumik erinarsorluni unamminermi siullermi, tallimanngormat kingullermi pisumi , peqataanngitsoorluni. Tamannalu unittoorutiginagu angallammik attartukkamik ilaalluni Sisimiunukarpoq , tassanngaanniillu qamuteralannut ilaalluni Kangerlussuarmut anngulluni. Massakkulli timmisartorsuarmut ilaalluni Danmarkip tungaanut ingerlaarpoq.
AllStars KNR-imi ualeru nalunaaqutaq sisamanut toqqaannartumik aallakaatinneqalerpat, Mads Lumholt anngussimanersoq paasinarsissaaq.
