Madeleinep ujaarineqarnera taamaatiinnarneqarpoq

Niviarsiaqqap Tuluit Nunaanneersup Madeleine McCannip Portugalimi ujaarineqarnera unitsinneqartoq, Portugalimi naalagaaffiup eqqartuussisuserisuata Fernando Monteirop nalunaarutigaa. Tuluit tv-qerfissuat BBC taama tusarliussivoq.
Allattoq Mads Lynge
juulip 21-at 2008 10:42

Madeleine McCann pillugu suliap nalunaarutaa naggataarutaasoq, politiit qanittukkut tunniuppaat, Madeleine McCannilu pillugit takussutissaasinnaasut amigarmata suliartik politiit unitsiinnarniaraat ilimanaateqartoq oqaatigineqarpoq.

Madeleine McCann siorna maajip pingajuanni Portugalimi illoqarfiit ilaanni Praia da Luzimi angajoqqaanilu feeriartillutik tammaaneqalerpoq. Madeleine taamanikkut pingasunik ukioqarpoq.

Angajoqqaavi Gerry aamma Kate McCann Madeleinep tammaaneqalerneranut atatillugu politiinit pasineqarput, angullu alla Portugalimeersoq Robert Murat aamma pasineqarluni.

Angajoqqaajusut suliamut tunngatillugu pasineqarnerat pipallataavallaarsimagunartoq Portugalimi politiit ukioq manna aallartisimalaaginnartoq nalunaarutigaat.

Madeleine McCannip angajoqqaavi Gerry aamma Kate McCannip aalajangiusimavaat Madeleine aallarussaanikkut tammartoq.