Frankrigimi inatsisartuni ilaasortat 577-iusarput, taakkunanilu amerlanerussuteqarniaraanni 289-it qinigaasimasariaqarput.Assi: Michel Spingler/AFP/Ritzau Scanpix

Macronip partiia Ensemple franskit inatsisartuini amerlanerussuteqarunnaartut

Frankrigimi præsidentip Emmanuel Macronip partiia franskit inatsisartuinut 245-nik qinigaatitaqartoq amerlanerussuteqarunnaarput.

Frankrigimi præsidentip Emmanuel Macronip partiia Ensemple franskit inatsisartuini amerlanerussuteqarunnaarput.

Frankrigemi inatsisartunut aappassaanik aalajangiisuusumillu qinersisoqarnerata kingorna tamanna takutippaa, Frankrigemi nunanut namminermut minsterieqarfiup inatsisartunut qinersinermi kisitsisit saqqummiunneqarmata.

Macronip partiiani Ensemblemi ilaasortat 245-t inatsisartunut qinigaapput.

AAMMA ATUARUK Frankrigip Macron-iata præsidentimut qinersinermi talerpiliit ajugaaffigai

Inatsisartuni amerlanerussuteqarniaraanni 289-it qinigaasariaqarput.

Frankrigemi inatsisartunut ilaasortat 577-iusarput.

Macronimut ajornerpaaq tassaavoq talerperliuniap Marine le Pensip partiia National Forsamling inatsisartunut qinersinermi iluatitsislluarmat.

Marine le Pensip partiia National Samling inatsisartuni 89-nik qinigaatitaqarpoq, tassalu maannakkut ilaasortaatitaannit quleriaammik amerlanerusut qingaallutik.

Qinersineq franskit naalakkersuisuinut kinguneqartussaavoq.

Ministerit pingasut inatsisartuni qinigaanngikkunik tunuarniarlutik neriorsuutigereersimavaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl