Macron nunaqqatiminut tv-kkut toqqaannartumik oqalugiarniartoq
Frankrigip præsidentia Emmanuel Macron tv-kkut toqqaannartumik nunatta nalunaaqutaa naapertorlugu ualeru tallimanut oqalugiarniarpoq.
Nutaarsiassaqartitsiviit AFP Reutersilu taama allaaserisaqarput.
Frankrigip ministeriunerata Michel Barnier-p naalakkersuisoqataasalu Frankrigimi inatsisartuni tatiginninnginnermik taasititsinermi uppisinneqareersullu Macron oqalugiarniarpoq.
Barnier-p partiit qiterliit talerperliuniat peqatigalugit naalakkersuisoqatigiiliorsinnaanissaanut Macronip ukioq manna septembarimi toqqarpaa.
Frankrigimi naalakkersuisoqatigiit qaammatit pingasut missanni taamaallaat tassa atapput, tatiginninnginnermilu taasititsinermi tassa uppisinneqarlutik.
Aningaasanut inatsisissatut siunnersuut inatsisartut avaqqullugit akuersissutiginiarlugu Barnier-p piareersimaffigalugu oqaatigimmagu tatiginninnginnermik taasititsisoqarpoq.
Frankrigimi naalakkersuisunut siulittaasussamik nutaamik Macron piaarnerpaamik toqqaaniartoq, tusarfiit Frankrigip præsidentianut qanittut nutaarsiassaqartitsivimmut Reutersimut oqaatigaat.
