EU-mi nunat aningaasaqarnerat coronavirusip nunarsuaq tamakkerlugu tunillaasuunnerata kingorna ilorraap tungaanukaqqinnissaanut ataatsimoorluni suliniuteqarneq videokkut ataatsimeeqatigiinnerminni oqaloqatigiissutigissavaat.Assi: Kenzo Tribouillard/AFP/Ritzau Scanpix

Macron Merkelilu EU-p aningaasaqarneranut tunngasumik nutaamik pilersaaruteqartut

Franskit præsidentiat tyskillu forbundskansleriat EU-p aningaasaqarneranik iluarseeqqinnissamut nutaamik suliniuteqarput.

Frankrigip præsidentiata, Emmanuel Macronip, tyskit forbundskansleriat, Angela Merkel videokkut ataasinngornermi ataatsimeeqatagissavaa.

Franskit præsidentiata illoarsuanit Parisimiittumit taama ilisimatitsipput.

EU-mi nunat aningaasaqarnerat coronavirusip nunarsuaq tamakkerlugu tunillaasuunnerata kingorna ilorraap tungaanukaqqinnissaanut ataatsimoorluni suliniuteqarneq videokkut ataatsimeeqatigiinnerminni oqaloqatigiissutigissavaat.

Franskit tyskillu ataatsimoorlutik suliniuteqarnissaminnut atatillugu sorpiaat isumaqatigiissutiginiarneraat illorsuarmit Èlyséemit ilisimatitsissutigineqanngilaq, tusarfiilli Macronimut qanimut sullissisut nutaarsiassaqartitsivimmut Reutersimut oqarnerat naapertorlugit peqqinnissaqarfeqarneq, aningaasaqarnikkut iluarseeqqinneq, piujuartitsineq, digitaliseeriineq kiisalu suliffissuaqarnikkut kiffaanngissuseqarnermut suliniutinut tunngassuteqartut ilaatigut eqqartorneqarniarput.

Isummersuutit