Maarmorilik ammaqqilerpoq

Marsimiit juulli tikillugu Maarmoriliup piiaaffigilernissaa piareersarlugu sulisoqalissasoq, Angus and Rossimi aatsitassarsiornermut pisortaasoq Tim Daffern, KNR-imut oqarpoq. Marsip aallaqqaataani ammarneqarpat inuit 20-t sulilissapput.
Allattoq Else Løvstrøm
januaarip 18-at 2010 10:35

Helikopteri atorlugu qaarusuup ammarngata allisarneqarnissaa weirelersorneqarnissaalu ukioq manna naammassineqassapput, tamatumunngalu Schweizimeersunik Tuluit Nunaanneersunik Nunatsinnilu Ilulissaneersunik sulisoqartussaanerarput.

Ukioq manna inuit 20 sulisoreriarlugit ukiup tullianiit piiaaneq aallartippat inuit 110-t sulisorineqalissasut, Tim Daffernip oqaatigaa.

Ukiup tullianiit sulisut 60-it 80-illu akornanniittut kalaaliussapput, taakkualu sapaatip akunnerini marlunni suleriarlutik sapaatip akunnera ataaseq sulinngiffeqartassanerarpai.

Avataaneersut qaammatini marlunni suleriarlutik sapaatip akunnerini pingasuni sulinngiffeqartassanerarpai.

Angus and Rossikkut aamma Qeqertarsuup Tunuani diamantisiortussat Avannaa Ressources suleqatigissanerarpaat. Maarmorilimmili zinki sølvelu piiartussaavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq