Arnaq 20-nik ukiulik Qaanaami arfininngornerup unnuaani aqqusiniinnarmi pinngitsaalillugu arneriffigineqarsimavoq. Pituffimmi politiit taama ilisimatitsipput.
Takunnittut angut aalakoortoq peersissinnaasimavaat, politiinillu kinguninngua tigusarineqarpoq, sapaatip akunnerini sisamani maanna tigummigallarneqarluni.
Angut 23-nik ukiulik ukiup ataatsip matuma siorna aamma pinngitsaaliisoq, politiit ilisimatitsipput. Qaammatini qulingiluani pinerluteqarsimasunik inissiisarfimmiittussanngorlugu taamanikkut pineqaatissinneqarpoq. Qaammatillu arfinillit inissiisarfimmeereerluni iperagaavoq.