Maajip aallaqqaataani Nuummi ingerlaaqatigiittoqaranilu katerittoqassanngitsoq

SIK-p siulittaasua, Jess G. Berthelsen ukioq manna oqalugiarfimmit oqalugiassanngilaq. Tassungali taarsiullugu videoliakkut oqalugiarniarluni.
SIK-p siulittaasua, Jess G. Berthelsen peqatigiiffiup nittartagaatigut takuneqarsinnaasumik oqalugiarniarpoq. Toqqorsivimmit assi
Allattoq Nutaarsiassaqartitsivik / Nyhedsredaktionen
apriilip 27-at 2020 15:44

Maajip ulluisa aallaqqaataat - pisarnertut ukioq manna - ingerlanneqassanngilaq.

Coronap ajornartorsiortitsinera sunik tamanik allanngortitsivoq, taamaammat maajip ulluisa aallaqqaataanni SIK-p pisarneq malillugu ingerlaaqatigiissitsisarnera katersoqatigiinnerlu aamma ingerlanneqassanngillat.

Peqatigiiffik tusagassiuutinut nalunaaruteqarluni taama allappoq.

Inuimmi sumiiffimmi ataatsimi 100-init amerlaneroqqusaanngillat - SIK-lli siulittaasua, Jess G. Berthelsen oqalugiarniartoq, SIK paasissutissiivoq. Siulittaasup oqalugiarnera videoliaralugu SIK-p nittartagaanut maajip ulluisa aallaqqaataani ullaap-tungaani ikkunneqarumaarpoq.

SIK-p immikkoortortaqarfiisa nunarsuaq tamakkerlugu sulisartut ulluannut qanoq aaqqissuussissanerlutik nammineq aalajangissagaat, oqartussalli innersuussutaannik malinnissasut, SIK allappoq.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq