Ullumi majip aallaqqaataa, tassa nunarsuaq tamakkerlugu sulisartut ulluat.
Nunani assigiinngitsuni eqqissiviilliornerit ingerlanneqarput.
Tyrikiiami ukiut 30-it matuma siorna sulisartut ullorsiorneranni, ingerlaaqatigiinnik toqoraasimanersuaq aattaqarsimaqisoq eqqaaniarlugu, Tyrkiiami saamerliuniat ullaaq manna ingerlaaqatigiinneranni, qulliliornartut atorlugit politiinit avissaartinneqarsimapput. Taama nutaasiassaqartitsivik ritzau allappoq.
Ikinnerpaamik inuit 100-t tigusarineqarput, tigusarineqartunilu inuit marluk sakkoqarsimasut Istanbulimi guvernøri Muammar Gúler oqarpoq.
1977-imi toqoraanersuaqarmat, akerliussutsimik takutitsisut 34-it taamani toqutaapput.
Aamma Tyskland-imi Berlinimi, majip aallaqqaataa aallartippianngitsoq, pisarneq malillugu unnuaq inuusuttut eqqissiviiliortitsilermata, politiit inuusuttunik 61-inik eqqissiviilliortitsisunik tigusarinnittariaqarsimasut, ritzau allappoq.