Formanden for Naalakkersuisut, Múte Bourup Egede, var vært under Dronningens besøg i Ilulissat og Nuuk.Assi: Malik Brøns / KNR

Múte Dronningip tikeraarnera pillugu: Uku eqqartorpagut

Inuiaqatigiit sannaat oqaluttuarisaanerallu, oqaluttuarisaanermilu pisimasut, tassa Dronningip tikeraarnerani Naalakkersuisut siulittaasuallu oqaloqatigiileraangamik eqqartortagaasa ilaat.

Ullut Dronningip Ilulissani Nuummilu tikeraarfigisai pingasut ulapaarfiusut  qaangiupput.  

Dronning Margrethe Ilulissanut tallimanngornmat tikippoq unnuiinnariarlunilu Nuummut ingerlaqqilluni.

Naalakkersuisut siulittaasuat, Múte Bourup Egede, Dronningip illoqarfinni taakkunani tikeraarneranut qaaaqqusisuuvoq. 

- Tassa soorunami Nunatsinnut tikeraarnera innuttaasunit amerlasuunit nuannaarutigineqarpoq. Taamaammat aamma Dronningip tikeraarnini nammineq nuannaraa misigisaqarluarfigerpasillugulu, Múte Bourup Egede oqarpoq.

AAMMA ATUARUK Dronning peqatigalugu kaffillertunut siuleriiaattorpassuusut

- Misigisaavoq innuttaasut sinnerlugit tikeraarput tikilluaqqullugu, oqaluttuarpoq. 

Dronningip Ilulissani ilaatigut Kangiata Illorsua aamma illorsuaq issittumi ilisimasassarsiortarsimasup atuakkiortullu inunngorfia pulaarpai. Aamma kangianut angallammik takornariarpoq. Angalaarneq Múte Bourup Egede eqqaamajumaagaa:

AAMMA ATUARUK Biskop-inngortitsineq: Paneeraq Siegstad Munk pingajussaanik iluatsitsivoq

- Immikkuullarinnerpaajusorivara Ilulissat saavani angalaarnerput. Tassani pinngortitaq eqqissilluta najorparput. Aamma tassani qipoqqaat marluk immikkuullarissumik misigisaqarfiginerat, Múte Bourup Egede oqaluttuarpoq.

Nuummiinnermini Ilisimatusarfik Katuarlu pulaarpai.  Aamma biskop Paneeraq Siegstad Munkip atuutilernerata persuarsiutigineqarnerani najuuppoq. Biskoppi decembarip aallaqqaataani 2020 atuutilerpoq, ilaatigulli corona peqqutigalugu atuutilernerata malunnartinnissaa utaqqissuneqarnikuuvoq.

Pisorpassui saniatigut Naalakkersuisut siulittasuat Dronningilu oqaloqatigiinissamut piffissaqartarsimapput: 

AAMMA ATUARUK Dronningip Nuummut tikeraarnerani ulloq kingulleq: Eqqaassutissaq biskoppinngortitsinerlu

- Assigiinngitsorujussuupput. Inuiaqatigiit sannaanniit, kisiannili aamma ernutaqarneranut aamma meeraqarnermut tunngasut. Assigiinngitsunullu tunngasut aamma oqaloqatigiinnerup ingerlanerani tikissinnaasagut oqaloqatigiissutigisarpagut. Kisianni inuiaqatigiit sannaat annertunerusumik eqqartortarparput aamma oqaluttuat assigiinngitsut pisarsimasut eqqartortarpagut. Múte Bourup Egede.

Naalagaaffeqatigiit qullersaat Pituffimmi sakkutooqarfimmut ataasinngornermi sivikitsumik tikerarpoq. Illersornissaqarfiullu sakkutooqarfiani inoqartuaannartuni avannarlerpaamut marlunngornermi Station Nordiliarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat