Märtha Louise-p Mette-Marit katsorsarpaa
Norgemi kunngissap nuliata, Mette-Marit-ip, tamanna uppernarsarsinnaavaa, aalajangersimaluinnarlunimi oqarpoq, Märtha-Louisap tartulunnini assamminik patillugu katsorsarsimagaa. Kronprinsesse Mette-Maritip prinsesse Märtha-Louise inuunerata oqaluttuarisaanera pillugu atuakkiami tamanit atuarneqarsinnaasumi oqaluttuamini tamanna oqaluttuaraa.
-Märthap assai. Taakku oqaaseqarfigerusuppakka. Immaqa eqqumiigineqarsinnaagaluarpoq. Kisianni Märtha-Louisep assai immikkorluinnaq kissassuseqarput. Inuppassuaqarpoq kissartunik ajunngitsunillu assalinnik, kisianni Märthap assai soorluluunniit seqinertaqartut. Kissarneq taanna eqqissinarluinnarpoq, anniaatimalu annernarnera nipaallisippaa, Mette-Marit atuakkami ”Undervejs”-imi, atuakkiortup Erik Fosnes Hansenip atuakkiaani oqaluttuarpoq.
Isumasiuinermi takuneqarsinnaavoq, inngilit qanoq ililluni attavigineqarsinnaanerat pillugu Märtha-Louisep atuarfimmik aallartitsiniarnera tusarliunneqaraluartoq norgemiut kunngikkormiunut tatiginninnerat annikillinngilluinnartoq. Norgemili ilagiit lutherikkuusut kattuffianni paasissutissiisartut qullersaat, Espen Ottosen, kussinneruvoq, taannami isumaqarpoq, Märtha-Louise ilagiinnit naalagaaffiup tapersersugaanit nammineerluni anisariaqariaqartoq.
Inngilit pillugit qanorsuaq tussiarsinnaalluta nalunngilarput, ilagiilli ilaat allatut isumaqarsimassapput, soorlu Norgemi ilagiit lutherikkuusut, inngilinik oqaloqateqarsinnaaneq pillugu allatut isumaqarsimassagunarput.
