Løkkep qinersiaartoqartinniarnagu Samuelsen ministerinngortinniaraa

Løkkep akileraarutit qaffasinnersaat pillugit oqqanneq aaqqiiviginiarlugu Liberal Alliancep De Konservativellu naalakkersuisunut ilanngunnissaannut isumaqatiginninniarnermut qaaqquvai.
Lars Løkke Rasmussen
Lars Løkke Rasmussen Assi © : Jonas Fievé/KNR
Allattoq Ritzau
novembarip 19-at 2016 15:55
Nutserisoq Ivik Kristiansen

Danskit ministeriunerata Venstremeersup Lars Løkke Rasmussenip partiit De Konservativep Liberal Alliancellu naalakkersuisoqatigiinni talerperliusuni peqataanissaat pillugu ataatsimiinnermut qaaqquniarpai.

Venstrep Herning Kongrescenterimi nuna tamakkerlugu arfininngormat ataatsimiinnerani ministeriunerup oqalugiarnermini tamanna oqaatigaa.

Partiit talerperliusut akileraarutit qaffasinnersaat pillugit sakkortuumik oqqannerat qinersisoqaqqinnissaanik kinguneqarsinnaasoq Løkkep taamaasinikkut aaqqiiviginiarsaraa.

- Siunissamut takorluugarput iluatsissagutsigu politikkikkut suliaq allatut naammassiniarsarisariaqaripput isumaqarpunga, Lars Løkke Rasmussen oqarpoq.

Nutaanik naalakkersuisunngortitsinissaq pillugu ataatsimiinnerit siulliit ataasinngorpat aallartissapput.

    /ritzau/