Lykkelænder Nunatsinni takuteqqaarneqartussanngortoq

Nunarput pillugu isummat pigiliutiinnakkat, pingaartumik Danmarkimi suli atugaalluartut, filmimi sammineqarput.

Ilitsersuisartup Lasse Lauip filmiliamini kalaallit nunartik nutaaliaasoq isummanullu pigiliutiinnakkanut isummertuartariaqarnertik pillugu oqaluttuartippai.

- LYKKELÆNDER uanga nalinni kinguaariit Danmarkip Kalaallit Nunaatalu akornanni saammaateqatigiinniarnermut tapertaavoq. Danmarkip Kalaallit Nunaannut ataneranut tunngatillugu nipangersimasoqarnera qaangertikkusuppara, taamaammat uanga tunginnit – danskit tungaannit – isiginnittaaseq misissortariaqarsimavara. Kalaallit pillugit ilisimasaqannginnermik takorluukkanillu ullumimut naleqqutinngilluinnartunik ulikkaarpoq, ilitsersuisartoq oqaluttuarpoq.

AAMMA ATUARUK Filmi ”Lykkelænder” akissarsitinneqarpoq

Taamaammat aamma tujorminalaarsinnaasut iserfiginissaat filmimi tunuarsimaarfigineqanngillat, taamaalillunilu aamma Danmarkimi imminut paasinnittaatsimut aamma tunngassuteqarluni – ilaatigut immaqa imminut salloqittarnermut tunngasinnaalluni, Lasse Lau filmi pillugu oqarpoq.

LYKKELÆNDER filmfestivalimi CPH:DOX 2018-imi piviusulersaarusiat pitsaanersaattut ukioq manna siusinnerusukkut akissarsitinneqarpoq.

Filmi Nuummi takuteqqaarneqareerpat aamma Sisimiuni Taseralimmi, Aasianni katersortarfimmi kingullertullu Ilulissani kulturikkut illorsuarmi Sermermiuni takutinneqassaaq.

AAMMA ATUARUK Danskere er ’privilegerede uvidende’ om Grønland