Lyberth: Suliffissaqartitsinissaq pinngortitap pisuussutaanit pingaaruteqarneruvoq

Aalisarnermut Naalakkersuisoq Karl Lyberth Jens B. Frederiksenip § 37 naapertorlugu apeqqutaanut akissuteqaammini allappoq suliffissaqartitsinissaq uumassusilinnik misissuisatut innersuussutigisartagaannit pingaaruteqarnerusoq. Frederiksenip saattuarniarneq pillugu pingasunik apeqquteqarneranut atatillugu akissuteqarluni Lyberth taama allappoq.
Allattoq Peter Troelsen, Simon Uldum
oktobarip 28-at 2013 08:24

Jens B.-p sinerissamut qanittumi saattuartassiissutit qaffanneqannginnissaannut ilisimatuut innersuussutaat sooq Naalakkersuisunit tusaanngitsuusaarneqarnersut paaserusullugu apeqquteqarsimavoq, Lyberthilu tassunga akissuteqarluni oqarpoq suliffissaqartitsinissaq kisiat pinerullugu Naalakkersuisut Sisimiut eqqaanni sinerissamut qanittumi saattuanik pisassiissutit qaffanneqarnissaat toqqarsimammassuk. Saattuartassiissutit tonsinik 150-inik ilaneqarput, taakkulu Sisimiunuinnaq tulaannatussaapput, tamannalu Sisimiuni suliffissaqartitsiniarnikkut immikkut illuinnartumik suliniuteqartoqarnissaanik peqquteqartoq Lyberthip opaatigaa.

Naalakkersuisut ilisimatuunut saaffiginneqaaratik nammineq nalilersimavaat Sisimiut eqqaanni saattuaqassutsip pisassiissutinik qaffaaneq akornutiginavianngikkaa, tamannali qularnaatsumik oqaatigineqarsinnaanagu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq