Lyberth Savalimmiormiunit isiginnaartitsissusiarineqartumi peqataalersoq
Filmiliortartup Thomas Vinterbergip filmiliaa ilisimaneqarluartoq "Festen" Savalimmiormiunit isiginnaartitsissusiarineqalerpat kalaaleq erinarsortartoq nipilersortartorlu Rasmus Lyberth Københavnimi juunip ulluisa arfineq-aappaanni isiginnaartitsinermi peqataassaaq
Allattoq Karsten Sommer
Nutserisoq Mads Lynge
Isiginnaartitsissusiap taaguutaa tassaavoq "VEITSLAN alias Festen", Betty Nansen Teatretimilu sapaatip-akunnerata tulliup ingerlanerani takutinneqassalluni.
Isiginnaartitsissusiaq 2015-imi septembarimi takuteqqaarneqarpoq, Savalimmiormiullu katillugit 4000-it taamanikkut isiginnaariarput.
"VEITSLAN alias Festen" CPH:STAGE Festivalen 2018-ip ingerlanerani takutinneqassaaq. Nunatta Isiginnaartitsisarfiata isiginnaartitsissusiaa "Angutivik" festivalimi tassani aamma takutinneqassaaq.