Lund Olsen-ip maalaarutaa ilalerneqanngilaq

Naalakkersuisunut ilaasortaq, Johan Lund Olsen, Tusagassiuinermut tunngasuni aalajangiisartunut maalaaruteqarnermini ilalerneqannginnini eqqartuussivimmut ingerlateqinnianngilaa.

Maalaaruteqarnermut tunngavigineqarpoq, Sermitsiap Johan Lund Olsenni, Royal Greenlandip pisortaanik, Kjeld Askærimik soraarsitsinissamik oqarsimanerarlugu issuaanera.

Tusagassiuinermut tunngasuni aalajangiisartut, Johan Lund Olsenip tusarniarneqarnissaa pisariaqarsorinngilaat, inuttaa nammineq aviisimit apersorneqarmat.

Taamaalilluni Sermitsiaq ilalerneqarpoq, Tusagassiuinermilu tunngasuni aalajangiisartunit isumaqarfigineqanngilaq, tusagassiornermi ileqqorissaarneq unioqqutinneqartoq.

Tusagassiunermut tunngasuni aalajangiisartut, Sermitsiaq piumaffiginianngilaat, Johan Lund Olsenip oqaaseqaateqarusunnera naqeqqussallugu. Akerleriinnermi kina eqqortuliornersoq,  aalajangiisartut aalajangiiffigisinnaanngimmassuk,

Johan Lund Olsenip pisoq ingerlateqqissaguniuk eqqartuussiviit aqqutigisinnaagai, aalajangiisartunit innersuussutigineqarpoq. Aalajangerneq Johan Lund Olsen-ip akueraa, ullaaq mannalu radioaviisimut oqarpoq pisimasoq pillugu eqqartuusivimmut ingerlatitseqqinniarnani aalajangerluni.