Luciano Pavarotti ullumi ilisaavoq
Luciano Pavarotti inunngorfimmini Modenami ullumi ilisaavoq.
Allattoq Mads Lynge
Italiamiu operamik erinarsortartoq tusaamasarsuaq Luciano Pavarotti sisamanngormat ullaassakkut toqusoq Modenap oqaluffissaarsuani naalagiaqatigiinnikkut ullumi ilisaavoq.
Inuit immikkut qaaqqusat 800-t naalagiarput. Nipilersortartut tusaamasat, arsaattartut, politikerit nuannarinnittullu allat ilisinermut peqataapput.
Inuit tuusintilikkaat ippassaq Modenaliakaapput erinarsortartoq naggammik takorusullugu.
Inuit 20.000-it missaanniittut Modenaliarsimanissaat ilimagineqarpoq.
Luciano Pavarotti 71-inik ukioqarluni toqukkut qimaguppoq.