Lottomi kisitsisit kukkusut
Naapisimaaqatigiittartut-lottoqatigiittartut isumaqarsimagaluarput agguagassaminnik 5 millionit koruuninik eqquisimallutik.
- Nuannaarnermik aallaamaleraluarpugut, isumaqaraluarpugummi tamatta immikkut 100.000 koruuninnalluta, Vivi Hansen Ekstra Bladet-mut oqarpoq.
Imerniartarfeeqqamiittartutoqqat lottomi kisitsisit eqqortut aviisini B.T.-mi Ekstra Bladet-milu misissoreerlugit millionerinngornertik paasivaat, lottosiffimminnullu misissortillugit.
Lottonik tuniniaasut Danske Spil-imut paasiniaanerminni ilisimatinneqarput millionerinngornatik tusindeeriinnanngortut, tassami 5 millioningajannik eqquinatik 2.100 koruuniinnarnik eqquisimapput.
Lottomi kisitsisut kukkusut Ritzauip nalunaarutigisimasai B.T.-mi Ekstra Bladet-imilu atorneqarsimapput, taamaammat nutaarsiassaqartitsivik Ritzau ajuusaaqaaq, kisitsisit kukkunillit allattortoorsimagamikkit.