Sisorarluni langrendimik pissartanngorniunnermi, DM-imi, Norgemi Kvitåvatn-imi ingerlanneqartumi, Kalaallit Nunaat ingerlalluarpoq.
Sisorartartut 34-it Ilulissaniit, Aasianniit Sisimiuniillu peqataapput, nunatsinnullu uterunik arlallit pissartatut imminnut taasinnaassapput.
Ukioqatigiikkuutaat pissartanngorniunnermi unammisinneqarsimapput, ajugaasullu 21-niit 34-inut ukiullit Danmarksmesterinngortussaapput.
Lone Pless ASP, Aasianneersoq, klassiskimi fristilimilu 2 x 5 kilometerimi Danmarksmesterinngorpoq.
Langrendillammassuaq Martin Møller DM-imi aamma peqataasaraluarpoq, sisoraaserluni aallaariaqattaarneq Martin Møllerip ukioq-manna pileriginerusimavaa.