Londonimi timmisartup silaannaq unerisimanngitsoq aqqusaarmagu issimasoq ataaseq ajunaartoq
Timmisartoq 229-nik issimasulik Londonimit Singaporeliartilluni silaannaq unerisimanngitsoq aqqusaarmagu issimasoq ataaseq ajunaarpoq.
Issimasut 30-t allat aqqunartiterput.
Nutaarsiassaqartitsivik BBC taama allaaserisaqarpoq.
Timmisartuutileqatigiiffiup Singapore Airlinesip timmisartua Boeing 777-eq Londonimit ippassaq Singaporeliarpoq.
Timmisartoq allamukartinneqarpoq, Thailandillu illoqarfiisa pingaarnersaannut Bangkokiliartinneqarluni.
- Singapore Airlinesip ilaasup ilaqutaasa misiginneqatigai, timmisartuutileqatigiiffik inoqatinut attaveqaqatigiittarfikkut Facebookikkut allappoq.
Issimasoq qanoq ajunaarsimanersoq qassinilluunniit ukioqarnersoq Singapore Airlinesip nalunaarummini paasissutissiissutiginngilaa. Issimasut 30-t aqqunartitertut qanoq innersut aamma paasissutissiissutigineqanngilaq.