Londonimi tigusaasorpassuit
Illoqarfiup immikkoortortaani Enfieldimi politiit inuusuttunit ujaqqanik sakkulersortunit saassunneqarput, tv-kkullu assilisani takuneqarsinnaapput politiit immikkut sungiusakkat politiiginnaallu aqqusinerni pisiniarfiit igalaavisa aseruatitersimasut akornanni nakkutilliisut.
Tottenhamimi eqqissiviilliortoqareersorlu eqqissiviilliornerit aallartipput. Sapaatip unnuaani inuit 55-it tigusarineqarput, politiillu 26-t missaat ikiligaallutik.
Sisamanik meeralik 29-nik ukiulik Mark Duggan pisuni paasiuminaatsuni aallaaneqarluni toqutaammat, eqqissiviilliornerit aallartipput.
Tamanna pissutissaqanngitsumik naapertuilluanngitsumillu politiit toqutsinerattut pasilliutigalugu, akerliussutsimik takutitsisut 100-likkaat Tottenhamip politeeqarfiata sioraanut katersuupput.
Mark Duggan Tottenhamimi taxanik unitsinneqarnermi kingorna aallaaneqarpoq. Eqqaassinerup nalaani politiiit Mark Dugganimut marloriarlutik igipput, tamannalu toqqutigaa.
Taanna politiinut igissimasoq, aallaasillu aqerluata politiit radioat politiit ilaata qitequtaaniittoq eqqorsimagaa, nalunaarutini siullerni oqaatigineqaraluarpoq.
Mark Dugganip sakkua atorneqarnissaminut piareersimasimanngivissoq, maanna tusatsiakkanut ilannguppoq, tamaannalu kamannerujussuarmut ilasaataalluni.
Pisoq pillugu politiit maanna annertunerusumik paasiniaallutik aallartipput.
