Londonimi qimminik attartortarput
Tuluit Nunaanni illoqarfiit pingaarnersaanni Londonimi qimmit qaammammut ulluni sisamani attartorneqarsinnaalerput.
Allattoq Louise M. Kleemann
maajip 08-at 2008 07:43
Amerikamiut attartortitseqatigiiffiat Flexpetz,
Londonimi immikkoortortaqarfimmik ammaavoq, taamaalillutillu tuluit qimmeqanngitsut qimminik aneeruttagassaminnik attartorsinnaanissaminnik periarfissaqalerlutik.
Illoqarfissuarmi najugallit ulapittuartut ulloq unnuarlu qimminik isumaginninnissaminnik piffissaqanngitsut, qimminik qaammammut arlaleriaannarlutik aneerussinisssaminnik periarfissaqalerput.
Qimmit attartorneri 2.600 koruuninik akeqarpoq, tassalu qaammatip ataatsip iluani ullut sisamat attartornerannut akigitinneqartoq, nutaarsiassaqartitsivik BBC taama allaaserinnippoq. Qimminik attartorniarlutik nalunaartut maanna hunnorujuusut nalunaarutigineqarpoq.
