Londonimi qaartartumeeriniaraluarput

Biilit qaartartullit marluk Londonimi ippassaq nassaarineqareersullu politeerpassuit maanna sulitinneqarput.

Angutit anguteqatiminnik ilaqartartut Londonimi sapaatip akunnerup naanerani ingerlaaqatigiittussaammata, Wimbledonimilu tennis-ertoqartussaallunilu Prinsesse Diana eqqaaniarlugu tusarnaartitsisoqartussaammat politeerpassuit sulitinneqarput.

Peqqarniisaarniartartut Al-Qaeda-kkut qaartartumeeriniarsimagaluartut ilimagineqarpoq. Biilit qaartartunik nassaarfiusut Mercedes-iupput, Londonillu kippasissortaaniillutik.

Qaartartut gassiusivinnit, benzinamit kikiappassuarnillu sanaajusimapput, qaartinneqarsimassagaluarpatalu inuppassuit ikiligaallutilluunniit toqutaasimasinnaassagaluartut politiit oqaatigaat.

Politiit suligasuarnerisigut qaartitsinissaq pinngitsoortinneqarsimasoq aamma ilimagineqarpoq.

Assit nakkutilliinermut assiliissutineersut politiinit maanna misissorneqaleruttorput, inuk ataaseq imaluunniit marluk maannamut kinaassusersineqarsimasut tusagassiuutit arlallit tusarliuppaat, politiilli tamanna uppernarsarsinnaasimanngilaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat