Londonimi politiit qaartartunik nassaaqqipput

juunip 29-at 2007 16:53

Inuppassuitt ikiligaallutillu toqutaasut.

Qaartartup, tamakkuninnga ilisimasallit Londonimi ullumi qaarsinnaajunnaartitaata, tamakku piliarisimassagaluarpai.

Nutaarsiassaqartitsivik Ritzau taama allappoq.

Biilit qaartussianngorlugit aqqusinermut angallaffiulluartumut inissinneqarsimapput. Qaartartoq gassiusivinnit, benzinamit kikiappassuarnillu sanaajusimavoq.

Qaartartoq biilimut Mercedesimut qorsummut inissinneqarsimavoq, biili taanna Londonimi natklubbit annersaasa ilaata silataaniissimalluni. Qaartartoq ullaaq nassaarineqarpoq, inuppassuit natklubbip silataani katersuuteruttortut.

Nunani allani, soorlu Irakimi, peqqarniisaarniartoqaratarsinnaammat paasiniaaneq sukumiisoq aallartinneqarpoq.

Tuluit Nunaanni ministeriuninngorlaaq, Gordon Brown, mianersoqqussuteqarpoq, oqarluni, qaartartoq qaarsinnaajunnaartinneqaraluartoq, peqqarniisaarnissaq Tuluit Nunaannut siornatigut sioorasaarutaasareermat, pisoq pimoorullugu tigusariaqartoq.

Peqqarniisaarneq akiorniarlugu Scotland Yardimi sulisut pisortaat, peter Clarke, qaartartoq nassaarineqartoq pillugu oqaaseqarumanngikkallarpoq.

-Qaarsimasuuppalli inuppassuit ikiligaallutillu toqutaasimasinnaagaluarput, Peter Clarke oqarpoq.

Nutaarsiasasqartitsivimmit Ritzauimit aatsaannguaq aamma nalunaarutigineqarpoq, Tuluit Nunaanni politiit qaartartunik allanik Londonimi aamma nassaarsimasut.