Londonimi allakkat qaartartumeerutit misissorneqarput
Allakkat qaartartumeerutit pingasut, mittarfinnut marlunnut, Heathrowimut aamma London Citymut, qimuttuitsullu unittarfiannut Waterloomut nassiunneqarsimasut, tuluit politiivinit misissorneqarput.
Allakkat ammarneqarpata ikuallatitsisinnaasut, Tuluit Nunaanni illoqarfiit pingaarnersaanni politiit ilisimatitsissutigaat.
Allakkat nassiunneqartut apuuffissaminnut apuummata inunnik ajoqusertoqarsimanngitsoq, angallannerlu akornuserneqarsimanngitsoq, tuluit politiivinut nalunaarutigineqarpoq.